Napatay na samtang gina bulong sa ospital si John Rey Cajilig alyas John, 27-anyos, negosyante, residente sa Lolita Heights Subdivision, Brgy. Mansilingan, Bacolod City, Dominggo, Nobyembre 22.
Si Cajilig, ang isa sa tatlo ka mga biktima sa nagluntad nga kinagamo sa isa ka discohan sa Lacson Street, Barangay Mandalagan, Bacolod City.
Ang napatay ang nakaangkon sang samad sa dughan.
Samtang pilason naman sanday alyas “Carl”, 22-anyos sang Purok San Ramon sa Barangay Sta.Cruz banwa sang Murcia nga nakaangkon sang pilas sa natuo nga hita bangud sa pagpangluthang kag pilason man si Alyas “Clyde”, 19-anyos sang Purok. Malipayon, Brgy 12 matapos ginbuno gamit ang buka nga botelya.
Sa interview sang Bombo Radto kay Police Captain Ramie Sayson, Station Commander sang Bacolod Police Station 3, ginkumpirmar nga isa ang napatay na si Alyas John kaina alas 7:55 ang takna sang aga samtang ginadapatan sang pagbulong.
Gina-alegar bangud sa isa ka babayi sa grupo ang rason sa nagluntad nga kinagamo.
Samtang, nakilala na sang mga kapulisan ang suspect santo man sa interview sang mga witness apang ini ang at large.
Ang ginatudlo nga suspek ang may rekord man sa bahin sang Bacolod Police Station 8 bangud sa kinagamo.
Narecover sa lugar ang duha ka basiyo sang bala.
Padayon pa ang imbestigasyon sang kapulisan sa nasambit nga insidente.
Samtang, sa kaangot nga balita , ginpahayag naman ni Ashmel, upod sang nabun-an nga si Clyde nga ginabantayan na sila nga daan sang kontra nila nga grupo sa gwa sang discohan.
Suno diri, isa sa ila nga upod nga babayi ang gindiskartehan sang pihak nga grupo samtang yara pa sila sa sulod sang discohan.
Gani ginabantayan ni Clyde ang ila nga upod.
Apang paggwa nila sa discohan, hinali lang nga ginpulihan sang gina-alegar apat ka persona sa pihak nga grupo si Clyde.
Nagbalos ini tubtob nga nabun-an gamit ang buka nga botilya sang ilimnon.
Kasunod sini, may naigo man sa pihak nga grupo matapos magpalupok sang armas-luthang.






