Gin-aresto naman sang Criminal Investigation and Detection Group–National Capital Region (CIDG-NCR) ang siyam ka mga police may kaangtanan sa missing bulangeros.
Suno kay CIDG-NCR Director Col. John Guiagui, ginserbehan ang mga ini sang warrant of arrest kag karon yara na sa kustodiya sang mga otoridad sa Camp Crame.
Suno kay Guiagui, isa ka Lt. Colonel ang pinakamataas nga rangko sang pulis nga naaresto.
Una na nga ginpahayag ni Acting Philippine Police (PNP) Chief PLtGen. Jose Melencio Nartatez Jr. nga kabug-usan nga 11 ka mga pulis ang ginpaidalom sa restrictive custody angot sa nasambit nga kaso.
Ang mga nagkaladakpan ang posible nga magpangatubang sang kaso nga kidnapping with homicide, kidnapping with serious illegal detention, kag iban pa.
