9,770 ka mga job vacancies ang nangin available sa mga job applicants sa ginpatigayon nga 122nd Labor Day Job Fair sang Department of Labor and Employment (DOLE) – Negros Occidental sa SM City Bacolod.
Sa interview sang Bombo Radyo Bacolod kay DOLE – Negros Occidental Heal Carmela Abellar, ang tagas ka DOLE offices sa mga probinsya sa Western Visayas ang nakabatun sang instruction sa dululungan nga pagpatigayon sang Labor Day Job Fair.
Paathag sini nga ang kob fair activities sang DOLE ang ginapatigayon sa bilog nga pungsod subong nga Mayo 1.
Bukas para sa mga job applicants sa Negros Occidental ang 7,985 ka job openings gikan sa 62 ka local agencies kag 1,785 ka trabaho gikan sa lima ka overseas agencies.
Magluwas sa job fair, yara man sa mall ang “Kadiwa ng Pangulo” sa pagpanguna sang Department of Agriculture, Office of the Provincial Agriculturist kag Department of Trade and Industry.
Kaupod nila ang mga producers sang mga local products, fresh vegetables kasubong processed foods nga mabakal sa mas manubo nga presyo.
