Dismayado ang Bacolod City Police Office (BCPO) sa apat ka mga police personnel nga nadestino sa Boracay matapos sila nadakpan nga nagahampang sang Mobile Legends sa ila nga mga cellphones sa oras sang duty.
Suno kay P/Lt. Col. Ariel Pico, spokesperson sang BCPO, apisar pa sang maid-id nila nga ginapatigayon nga internal cleansing, may yara sa gihapon sang mga pasaway nga mga pulis.
Suno diri, wala man nagkulang sa pagpadumdom ang PNP sa mga miyembro sini tuhoy sa ila nga trabaho.
Dugang pa ni Pico, wala man ang mga ini ginpilit nga mangin pulis gani dapat indi na sila magpasaway pa.
Nahibaluan nga ginbayolar sang tatlo ka mga lalaki nga pulis kag isa ka babayi nga pulis nga lunsay mga Patrolman ang guidelines on the use of cellphones during office hours or while on duty.
Nagalaom si Pico nga magaserbe ini nga warning sa iban nga mga pulis nga seryosohon ang pagsulundan sang PNP.
