Bangkay sang lalaki nga nasapwan sa kotse sa Talisay, ginpaidalom na sa autopsy

Ginkumpirmar sang Talisay City Police Station nga ginpaidalom na sa autopsy ang bangkay sang isa ka lalaki nga nasapwan patay kag tadtad sang bala sa sulod sang salakyan sa Purok Tumpok, Barangay Zone 15 ciudad sang Talisay.

Sa interview sang Bombo Radyo Bacolod kay P/Staff Sgt. Edmundo Jomocan Jr., imbestigador sang Talisay City PNP, iya ginpahayag nga ila karon ginahulat ang resulta sang autopsy nga ginpatigayon sang SOCO.

Nagapati naman si Jomocan nga drug-related ang pagpatay kay Jethro Baldecasa sang Purok Magsungay, Brgy. Sincang Airport, Bacolod City.

Nahibaluan nga rent-a-car ang Toyota Vios kun sa diin nasapwan ang bangkay kag tubtob subong wala sa gihapon sang lead ang mga kapulisan kun sin-o ang may kahimuan sang krimen.