Security guard, pilason matapos aksidente nga natiruhan sang kaangay man niya nga security guard sa Bacolod

Pilason ang isa ka security guard matapos aksidente nga natiruhan sang kaangay man niya nga security guard sa Deca Homes Subdivision, Brgy. Cabug, Bacolod City kahapon.

Base sa imbestigasyon sang Bacolod City Police Station 9, ang biktima nga ginkilala kay Arnel Ignacio ang pilason nga gindala sa Bacolod City South Hospital sang aksidente siya nga matiruhan ni Russel Estoya.

Nahibalu-an nga ginhampangan ni Estoya ang .38 calibre nga pusil ni Ignacio kag aksidente sini nga napitik ang gatilyo.

Nag-igo ang bala sa isa ka concrete wall, nag-umpok pabalik kag nag-igo sa natuo nga tiil sang biktima.

Sa karun, yara sa kustodya sang Bacolod City Police Station 9 ang suspetsado kag ang mga armas para sa proper disposition.