Nagaplano si Negros Occidental Governor Eugenio Jose “Bong” Lacson nga makapakigsapol sa mga alkalde sa probinsya agud makakuha sang opinyon tuhoy sa extension sang enhanced community quarantine.
Nahibaluan nga may dugang nga nagpositibo sa coronavirus disease 2019 (COVID-19) sa probinsya sang Negros Occidental.
Ini ang ginalakipan sang duha sa ginrepatriate kag nag-abot nagikan sa Cebu via Escalante City.
Ang patient number #3 ang isa ka lalaki, 38 anyos, may travel history sa Netherlands kag tumandok sang Silay City, Negros Occidental smtang ang patient #4, isa man ka lalaki, 41 anyos, may travel history sa Ireland kag residente sang Candoni, Negros Occidental.
Lunsay asymptomatic ang duha suno kay Lacson.
Wala man ini nakalagaw kag wala sang tiempo nga magpauli bangud sang nag-abot ini sang Abril 14, gindala ang mga ini gilayon sa provincial healing center sa banwa sang EB Magalona kag nakastrict isolation ang duha ka positive patient.
Sa karun may yara na sang apat ka mga positive patient sa covid 19 ang sa probinsya.
Samtang, ginalantaw ni Lacson nga makapungko ini kaupod ang mga alkalde sa probinsya agud makuha sini ang sabat kaangot sa extension sang Enhanced Community Quarantine (ECQ) sa probinsya kag agud makasulat sa Inter-Agency Task Force on Emerging Infectious Disease (IATF-EID) agud makalisensya sa pagpatuman sang ECQ sa probinsya.
