Mga empleyado sa slaughterhouse sa Bacolod, sunod nga target sang swab testing

Matapos ang surveillance testing sa tatlo ka mayor nga merkado sa Bacolod, sunod naman nga ginschedule ang mga slaughterhouses sa ciudad.

Suno kay Bacolod City Vice Mayor El Cid Familiaran, kahapon ginswab ang tanan nga contact tracers sa ciudad.

Ini bangod high risk ang mga ini sa virus.

Sunod naman nga nakaschedule ang sektor sang mga slaughterhouse nga ginalakipan sang tanan nga employer kag employees diri.

Madumduman nga linibo ka mga market vendors sa Libertad, Burgos kag Central Market ang nagpaidalom sa pool testing sang tinalikdan nga mga sinemana kag masobra 20 sa mga ini ang nagpositibo sa COVID test.