Patay ang 40-anyos nga lalaki sa banwa sang Binalbagan matapos ginluthang sang unidentified riding in tandem suspects sa Carmen Street, Barangay San Pedro sang Pebrero 7.
Sa impormasyon nga nakuha sang Bombo Radyo, nagasakay sa motorsiklo ang biktima nga si Paul Tejam, 40 anyos kag residente sang Molave Street, Barangay San Teodoro, Binalbagan, kaupod ang iya nga hinablos kag padulong kuntani sa simbahan sang hinali lang nga may nag-overtake nga Suzuki Riden Motorbike sakay ang duha ka wala makilal-an nga mga persona.
Hinali lang ini nga ginluthang sa iya nawala nga abaga, nawala nga liog kag natuo nga sag-ang.
Ginhingagaw pa ini dala sa Binalbagan Infirmary apang gindeklarar nga dead on arrival.
Nagpalagyo naman sa wala nahibaluan nga direksyon ang mga suspetsado matapos ang insidente.
Nakuha sa crime scene ang duha ka fire cartridge cases sang suspected .45 calibre kag isa ka slug sang ginaalegar .45 caliber pistol.
