Dead on the spot ang isa ka lalaki matapos ginluthang sang wala pa makilal-an nga mga persona nga ginaalegar nagasakay sa motorsiklo pasado alas 5:00 kahapon sang hapon sa Zone 5, Barangay Mambulac, Silay City.
Sa interview sang Bombo Radyo kay Police Lt. Guilmor Cuare, deputy chief of police sang Silay City Police Station, ginkilala ang biktima kay Ronald Suating, residente sang nasambit nga lugar, kag sang tinalikan nga Hulyo lang nakagwa sa New Bilibid Prison sa Muntinlupa City.
Suno kay Cuare, siya ang napriso sa sulod sang napulo sa tuig bangud sa kaso may kaangtanan sa illegal nga druga.
Suno sa iya, ang biktima ang nagabaligya kahapon sang inasal sa atubangan sang isa ka tiyange sang siya ang ginluthang.
Suno sa mga residente, apat ka lupok ang ila nabatian apang wala snag mga ini makit-an ang mga suspetsado bangud kalabanan ang nagkuob kag nagdalagan pasulod.
Suno sa deputy chief of police, nakaangkon ini sang lima ka igo sang bala lakip na sa ulo kag likod.
Narecover sa crime scene ang anum ka fire cartridge sang .45 caliber pistol.
Sa karun, nagapadayon pa ang imbestigasyon sang kapulisan.
