Igapaidalum gihapon sa swab test ang bangkay sang isa ka locally stranded individual nga napatay matapos na-stroke pag-abot sa Bacolod sang tinalikdan nga Martes, apisar nga wala ini sang sintomas sang COVID-19.
Ang 71-anyos nga lalaki nga residente sang Barangay Handumanan, Bacolod City nga sakay sang Cebu Pacific flight sang Pebrero 9, 2021 ang gin-atake sang stroke samtang yara pa lamang sa eroplano.
Pag-abot sa Bacolod Silay Airport, ginhingagaw ini dala sa Teresita Jalandoni Provincial Hospital sa Silay City kag sang isaylo na ini kuntani sa isa ka pribado nga ospital sa ciudad, siya ang napatay.
Suno kay Provincial Administrator Atty. Rayfrando Diaz, apisar nga wala nagasuprer sang sintomas sang COVID-19 ang biktima, igapaidalum ini gihapon sa RT-PCR test agud mangin klaro ang gintunaan sang iya kamatayon.
Sa karun, nagapakig-angot pa ang mga otoridad sa pamilya sang nasambit nga LSI agud mahibaluan ang iya mga medical history.
