43-anyos nga lalaki sa Victorias, nadakpan nga may armas sa checkpoint

Arestado ang isa ka 43 anyos nga lalaki sa ciudad sang Victorias matapos makuhaan sang armas sa check point operation nga ginpatigayon sang Victorias City Police Station sa Corner Magsaysay-Quezon Street, Barangay 4, Victorias City sang Pebrero 10.

Sa impormasyon nga nakuha sang Bombo Radyo, ginkilala ang suspetsado kay Jeco Presidente, 43 anyos kag residente sang nasambit nga lugar.

Nagapatigayon sang check-point operation ang mga kapulisan sang ila nakuhaan sang isa ka S&W Snubhose .38 Caliber revolver nga may lima ka ka live ammunitions kag isa ka .38 caliber revolver nga may 13 ka live ammunition.

Sa karun nakahunong si Presidente sang Victorias City Police Station para sa proper disposition.