Dakop ang isa ka kawatan sa ciudad sang San Carlos matapos madakpan nga nagapangawat sa isa ka puluy-an sa Sitio Nagutman, Barangay Prosperidad sang tinalikdan nga Miyerkules.
Sa impormasyon nga nakuha sang Bombo Radyo, nagpangayo sang bulig ang biktima nga si Jecson Cabanero, 25 anyos, isa ka driver kag salesman kag residente sang Barangay Cansilayan, banwa sang Murcia gani may isa ka concerned citizen nga nagreport sa pulis.
Gilayon nga nagresponde ang mga otoridad kag ila natigayon nga nadakpan si Jonathan Sasam, 33 anyos, isa ka delivery boy kag residente sang Barangay Codcod, San Carlos City.
Narecover ang isa ka motorsiklo kag P2,630.
Nakapalagyo naman ang duha pa sini ka mga kaupdanan kag sa karun padayon pa nga ginapangita sang mga kapulisan.
