Aminado ang isa ka taxi driver sa syudad sang Bacolod nga malaka ang nagpadulong sa mga motel kadungan sang selebrasyon sang Valentine’s Day kahapon.
Sa interview sang Bombo Radyo Bacolod kay Dado Sebua, ginpahayag sini nga maiwat ang mga magkahagugma nga nagapadulong sa motel bangud man sa COVID-19.
Suno diri, kalabanan ang ginapasulabi nalang sa karun ang pagbakal sang bulak kag magpauli agud ihatag sa ila mga pinalangga.
May yara man sang nagasulod sa mga motels apang sakay sa mga pribado nga mga salakyan.
Ginpahayag man ni Sebua nga maninit ang nagasulod sa mga lodging house kag motels bangud sa ginapatuman sang syudad nga age limit sang makasulod.
Ginpahayag man sini nga wala man sila nagapasakay sang mga menor de edad agud idul-ong sa motel.
