Nagpagwa sang advisory ang Provincial Disaster Risk Reduction and Management Council kahapon nga iipaidalum sa heightened alert status ang Negros Occidental bilang preparasyon sa paglabay ni Typhoon Auring.
Kahapon, nagsulod na sa Philippine Area of Responsibility ang labing una nga bagyo sini nga 2021.
Sa interview sang Bombo Radyo kay Provincial Disaster Management Program Division (PDMPD) Head Dr. Zeaphard Gerhart Caelian, ginpahayag sini nga naghatag na sang advisory ang probinsya sa mga DRRMO offices, mga responders kag local government units nga iheighten ang alert level kag ireview ang contingency plans sang mga LGUs ilabi na sa pagbaha kag lanslides.
Suno kay Caelian, kun magkusog ang bagyo sa Biyernes, mapasaka na sang blue alert status sa probinsya agud mangin responsive ang mga otoridad kag Philippine National Police.
Sa karun, ila man ginahingagaw papauli ang mga locally stranded individual.
Suno diri, 24 oras monitoring sang command center sa bagyo kag nagpanugyan ini sa mga pumuluyo nga mag-ulu-aligmat, magmonitor sang mga updates kag pangamuyuan ang kaluwasan sang probinsya.
Nagpahanumdum ini nga amat-amaton na tsekyar ang mga water wast kag ipreparar ang mga evacuation center in kaso kinahanglan mag-evacuate ang mga pumuluyo.
