Pasakaan sang kaso ang miyembro sang New People’s Army (NPA) nga nagpatay sa isa ka Punong Barangay kag duha ka sibilyan sa banwa sang Calatrava sadtong Agosto 26.
Ang Punong Barangay ang ginkilala nga si Benjamin Havoc, naga edad 54 anyos.
Suno kay Brigadier Gen. Inocencio Pasaporte, commander sang 303rd Infantry Brigade sang Philippine Army, ila nga padayunon ang pagpasaka sang kaso, apisar pa sa pag-ako sini sa krimen.
Dako man ang bulig sang impomasyon nga ginhatag gikan sa mga oganisasiyon kag indibidwal sa natabo nga krimen.
Ginalantaw sa karun, nga dapat mag-agi sa insakto nga proseso ang kaso kag indi lamang sa ginatulod sang grupo nga extrajudicial killing.
Nahibalu-an man nga ang duha ka mga silbiyan ang mga miyembro man sang NPA sang-una apang nagdesisyon ini nga mag lie-low ukon magbalik sa matawhay nga pagpangabuhi gani ila ini nga ginpatay bangud sa kahadlok nga magsugid sang mga impormasyon natuhoy sa ila.
Suno pa kay Pasaporte, posible nga ginapahog nila ang mga miyembro sang ila grupo nga gusto na maga-untat sa pag-upod sa ila, kag makita man nga kabahin sang propaganda sang grupo ang paglubag ukon pagbaylo sang estorya sang ila nga mga hinimuan.
Apang pahanumdom ni Pasaporte nga kun may oportunidad nga maga-abot sa ila para sa pagbalik sa pagpangabuhi, willing gid ang mga otoridad magbulig sa mga anay katapo sang NPA.
