Ginpanginwala sang suspetsado sa pagluthang-patay sa barker sa sulod sang computer shop sa Purok Langis, Barangay Banago, Bacolod City sang Hunyo 17 sang gab-i nga ini ang nagpatay sa biktima.
Madumduman nga ang ginkilala ang biktima kay Bryan Garrido, residente sang Silay City apang ini ang naga-arkila sang puluy-an sa Purok Cereza, Barangay 3, ciudad sang Bacolod.
Nagahampang sang computer si Garrido sa computer shop ni Nilda De Ramos sang ini ang ginpalapitan sang suspetsado kag kag ginluthang sa ulo.
Sa interview sang Bombo Radyo Bacolod kay Ramos Trabucon, indi sini mabaton nga siya ang ginpasibangdan nga siya ang nagpatay kay Garido.// Suno kay Trabucon, wala siya sa lugar sang ginluthang-patay si Garido.
Kilala man sini ang biktima bangud adlaw-adlaw nga nagapadulong sa ila balay kag didto nalang nagakatulugan.
Suno diri, ang biktima ang nagabaligya sang utan kag masami man nga nagahampang sang computer games.
Ginkumpirmar man sini nga si Garido ang kaupod man sini nga nagagamit sang illegal nga druga.
Kilala man sini ang tawo nga may kahimuan sa pagpatay sa biktima apang wala sini gintu-ad kun sin-o.
Ginpahayag man sini nga nakaagi naman ini priso apang madugay naman ini nga nakagwa.
