Lantawon sang Task Force Kasanag kun may yara sang basehan agud nga ireklamo sa Office of the Ombudsman si Bacolod City Councilor Vladimir Gonzales bangud sa reclamation activity sa Purok Bayanihan, Barangay Banago nga wala naglabay sa husto nga proseso.
Sa interview sang Bombo Radyo kay Task Force Kasanag national commander John Chiong, aware na ini sang ginahimo ni Gonzales nga reclamation activity.
Suno diri, lantawon sang Task Force Kasanag kun may violations ang konsehal kag kun makit-an nga wala sang compliance sang husto nga procedures, igaendorso ini sa Office of the Ombudsman.
Suno kay Chiong, may violation ang konsehal kun nagpinagusto ini sang iya himuon bisan wala nasunod ang dapat nga iproseso antes suguran ang aktibidad.
Kun basehan ang nauna nga impormasyon suno kay Chiong, may yara sang kapaltahan si Gonzales gani sila ang magausisa kun may basehan agud nga ireklamo ang opisyal.
Bilang konsehal suno kay Chiong, dapat nga magaserbe si Gonzales nga ehemplo sa pagcomply santo sa layi.
Bilang grupo nga nagabato sa korapsyon, lantawon sang Task Force Kasanag suno kay Chiong kun may basehan ang graft and corruption, igapadangat ang reklamo sa Office of the Ombudsman.
