Nag-issue ang Office of the City Mayor sang Executive Order No. 33 ukon “An Order Providing for the policy and guideline in wearing of face masks within the territorial jurisdiction of Bacolod City”.
Santo sa Executive Order, ginapahanugutan na ang optional nga pagsuksok sang face masks sa open spaces kag crowded outdoor areas nga may good ventilation.
Samtang ang pagsuksok sang face masks ang magapadayon sa mga hospitals, medical facilities, indoor private ukon public establishments, lakip na ang public transportations by land, air, ukon by sea.
Sang Lunes, ginpirmahan ni President Ferdinand “Bongbong” Marcos Jr. ang Executive Order No. 3, nga nagapahanugot sa boluntaryo nga paggamit sang facemask sa gwa ukon sa outdoor settings.
Ini ang gin-anunsyar ni Press Secretary Trixie Cruz-Angeles sa kaangay nga adlaw, apang ginpanugyan man sini ang padayun nga implementasyon sang minimum public health standards samtang ang pungsod ang yara sa public health emergency may kaangtanan sa COVID-19 pandemic.
Dugang pa sini nga ang EO ang mangin pagpatuman sa anunsyo sang Department of Health (DOH) nga voluntary nga pagsuksok sang facemask outdoors ukon sa indi matawo nga mga lugar.
Apang ang mga immunocompromised, seniors citizens ukon indi kompleto ang bakuna ang kinahanglan gihapon nga magsuksok sang facemask santo sa EO No. 3 sang Presidente.
