Governor Bong Lacson, nagalaom nga mapondohan ang Panay-Guimaras-Negros Bridge

Nagalaom ang gobernador sang probinsya sang Negros Occidental nga mapondohan ang Panay-Guimaras-Negros bridge.

Suno kay Governor Eugenio Jose “ Bong” Lacson, ang pondo ang nagapanguna nga problema sang bisan ano nga administrasyon kag ini man ang rason kun sa diin 10 tubtob 12 percent lamang sang proyekto sa Build Build Build Program sang nakaligad nga administrasyon ang nangin madinalag-on.

Suno kay Lacson, nagalaom ini nga mapondohan ang duha ka mga taytay nga magaangot sang Panay-Guimaras kag Negros.

Apang suno sa gobernador mahimo nga mas mauna nga mapadala ang pondo sa Iloilo-Guimaras bangud mas malip-ot ini.