Magahingyo ang Bacolod City Police Office sang augmentation force nagikan sa Police Regional Office 6 agud nga mapabilin sang kalinong kag katawhay sang MassKara Festival.
Sa interview sang Bombo Radyo kay BCPO director Police Col. Thomas Joseph Martir, handa na ang security plan sang Bacolod City Police Ofice para sa patigayunon nga MassKara Festival sa masunod nga bulan.
Suno diri, nakapatigayon na sang series of conferences angot sa paghiwat sang festival.
Nakapakigsapol naman ang mga ini sa mga tiglawas sang MassKara Foundation angot sa security preparation sa Bacolod.
May mga task units naman sa Dalan Lacson, Bacolod City Government Center, Paglaum Complex kag sa labayan sang street and arena dance competition.
Magadeploy man sang mga pulis sa mga venue sang major events.
Naghingyo naman ang BCPO sang augmentation nagikan sa Police Regional Office 6 nga nagadangat sa isa ka libo.
Ini ang igadugang sa masobra 800 nga personnel sang BCPO.
Nagpasalig naman ni Martir nga himuon nila ang tanan agud masiguro nga samtang nagaenjoy ang mga bisita sa kahiwatan, wala man sang malain nga matabo.
