Nagasuspetso ang residente sang Purok Laurel sa Bakyas, Mansilingan nga food poisoning ang rason kun ngaa nagsufrer ini sang diarrhea sang tinalikdan nga adlaw kag indi bangud sa bacteria nga halin sa bubon.
Sa interview sang Bombo Radyo kay Alyas Inday, may birthday party sa ila nga balay sang nakaligad nga Sabado, Setyembre 3, kun sa diin madamo ang nakaon sini.
Suno diri, wala nila gin-init ang pagkaon sang Lunes, Setyembre 5, antes ginkaon liwat gani naglain ang iya pamatyag.
Suno kay Inday, OK na kuntani ang iya nga pamatyag apang nagkaon ini sang nanari-sari nga solid food gani nadayunan ang iya nga loose bowel movement gani siya ang naospital sang Setyembre 9.
Pag-abot sa emergency room, wala ini natatapan gilayon bangud madamo ang pasyente gani nahulog sa amoebiasis ang iya ginabatyag.// Sang ginsaylo na si Inday sa ward, ginkuhaan ini sang stool sample agud mapaidalom sa laboratory test agud matumod kun ano ang bulong nga idapat sa iya.
Suno diri, Domingo na ini nadapatan sang antibacterial treatment.
May water station naman nga nadalahig sa iya nga kaso bangud sang amo nga tinion, ang ila nga landlord nga nagatatap sang tubig ang yara sa ospital.
Ang tubigan ang naulanan naman gani naghambal si Inday sa mga nagkuha sang sample nga mahimo nacontaminate na ini kag lain man nga water station ang ginkuhaan nila sang gin-inom sang party.
Sang Setyembre 13, ginhambalan si Inday nga positibo ini sa cholera apang nadischarge na siya sa ospital.
