Kapin P200 mil ang balor sang nakumpiskar nga suspected shabu sa 20 anyos nga lalaki sa drug buybust operation nga ginpatigayon sa Purok Grasya, Barangay Singcang-Airport, Bacolod City alas-9:12 kagab-i.
Ang suspetsado ang ginkilala nga si Reymart Esporas alyas Mart, 20 anyos kag residente sa Purok Hanapbuhay, Barangay Pahanocoy, Bacolod City.
Ang Anti-Illegal Drugs operation ang ginpatigayon sang Bacolod City Police Office – City Drug Enforcement Unit (BCPO-CDEU) kun sa diin nakumpiskar gikan sa suspetsado ang siyam ka sachet sang suspected shabu.
Ang suspected shabu ang may kabug-aton nga ginabanta 27 gramos kag may standard drug price nga P183,600.
Narecover man gikan kay Esporas ang P1,000 nga buybust money, P100 nga cash proceeds kag isa ka coin purse.
Ang suspetsado ang yara na sa kustodiya sang Bacolod Police Station 8 kag natalana nga magpangatubang sang kaso sa paglapas sa Republic Act 9165 ukon Comprehensive Dangerous Drugs Act of 2002.
