Aminado ang pinuno sang Bacolod Traffic Authority Office (BTAO) nga may yara sang paghinay sang trapiko apang wala man sang nastranded matapos ginpatuman ang rerouting kag road closure kadungan sa selebrasyon sang 43rd Masskara Festival.
Sa interview sang Bombo Radyo Bacolod kay Police Major Junji Liba, nag-umpisa na sang Sabado ang road closure kag rerouting para sa selebrasyon sang Masskara Festival subong nga tuig.
Nangin matawhay naman ang dalagan sang trapiko apisar nga may yara sang pila ka mga problema nga nakita sini kaangay lamang sang mga jeep nga wala nagasunod sa routa nga santo sa traffic plan sang BTAO kun sa diin nagahimo ang mga ini sang ila kaugalingon nga routa kaangay lamang sa naga routa sang Bata-Libertad.
Samtang, ang mga jeep naman nga nagabiyahe sa southbound ang nagsunod naman sa routa nga nakasaad sa traffic plan sang BTAO.
Nagapanawagan si Liba nga sundon ang routa nga nakasaad sa traffic plan sang BTAO bangud wala man nagkulang ang opisina sini sa pagpalapta sang impormasyon angot sa rerouting kag nag man to man pa sila agud nga mapahibalo sa mga drivers ang traffic plan agud nga mangin matalunsay ang pagsaulog sang Masskara Festival.
Nagprint man ang BTAO sang flyers kun sa diin nakasaad ang traffic plan.
Lantawon man sini subong nga adlaw, Lunes ang dalagan sang trapiko bangud may yara na sang opisina.
Suno sa BTAO head dakpon nalang ang mga nagabiyahe nga wala nagasunod sa routa nga ginbutang sa traffic plan.
