Nagpatigayon sang mural painting ang pila ka mga artist sa dalanon sa atubang sang replica sang Bacolod City Government Center sa Gonzaga-Araneta St. sa ciudad sang Bacolod kahapon sang hapon.
Ini ang kabahin sa Masskara 3D Street Art Mural Project.
Sa interview sang Bombo Radyo kay Shan Paul Evangelista, ART3prenuer Studio Personnel, madamo sila sang collaboration sa mga nagkalain-lain nga artist kag architect sa pagporma sang concept sang ila nga 3D painting.
Suno naman kay Ariane Nichole Andrada, Artist kag La Consolacion College Bacolod Alumni Faculty, gin-incorporate nila ang Gugma sa composition kag ginlakip man nila ang pinakaimportante nga landmarks sang ciudad nga nga may dako nga bahin sa selebrasyon sang Masskara Festival lakip na ang San Sebastian Cathedral kag Capitol Lagoon.
Aminado ang mga ini nga isa sa ila kabudlayan amo ang trapiko bangud wala sila sang maayo nga komunikasyon angot sa road closures.
Suno kay Evangilista, alas-3:00 sang hapon kun pagasirad-an na ang dalan, didto na lamang sila nagasugod sa pag-ubra.
Nagalaum naman ini nga amat-amat nga matapos ang ila paintaing ilabi na sa paghilapit sang hightlights sang Masskara Festival.
