Ginsirado na kaina sang udto ang mga stalls sa Manokan Country nga gina-okupar sang mga tenants nga wala nakabayad sang ila mga arrears sa syudad sang Bacolod.
Pasado alas-11:00 sang udto sang ginpadulongan sang enforcement team sang City Legal Office ang mga stalls sa Manokan Country kag ginsiraduhan ang 15 ka mga stalls.
Nahibaluan nga ginhatagan sang syudad ang mga tenants sa Manokan Country tubtob Setyembre 30 agud nga makabayad sila sang ila mga arrears apang tatlo lamang ang nakafully paid.
Ginpangunahan ni Atty. Reuben Mikael Sabig sang City Legal Office ang closure sang mga stalls nga wala nakabayad sang arrears.
Ang wala masiraduhan nga mga stalls ang ginlakipan sang Velez K, Nenas Rose, Nicole, Umbao kag Aidas.
Nagpanugyan naman si Ray Demasana, ang pinuno sang enforcement team sang City Legal Office nga manegosyar ang mga wala nakabayad sa opisina sang alkalde agud nga kun makapagwa sang mando untaton man nila ang pagpanirado sang mga stalls.
Ginpahayag man ni Demasana, nga wala sang final nga compromise agreement ang syudad kag mga stall owners nga wala nakabayad sang ila mga arrears nga ginsiraduhan kaina sang aga.
