Pahayag ni Sales nga magluwas sa Casipungan Elementary School, may tatlo pa ka mga buluthuan nga sakop sang DepEd Himamaylan ang may mas malala nga kahimtangan.
Ini ang ginalakipan sang Sibucao, Tiqui kag Balatogan Elementary School.
Pahayag sini nga indi lamang sa Himamaylan kundi sa bilog nga pungsod ang mga manunudlo ang nadulaan sang hardship allowance matapos nga ginbag-o sang DepEd ang criteria antes maka-avail sang benepisyo.
Suno diri, sang tinalikdan nga tuig lamang ginbag-o ang criteria kag ini ang tuman ka budlay malab-ot.
Kalakip sa qualification ang kakulang sang regular nga transportasyon, tubig kag iban pa, apang dapat palarehas nga nagaka-eksperyensyahan sang mga buluthuan.Pahayag ni Sales nga ang tatlo ka mga buluthuan ang mapadulungan lamang sakay sa kabayo.
Apang aminado man ini nga may mga hitabo kun sa diin nagakadagdag sa pil-as ang mga indi nakahibalo magsakay sa sapat.
Dugang pa sini nga tuman ka dako ang deperensya sang kabuhi sang manunudlo sa syudad kag sa bukid.
Apang paathag sini nga ang matuod-tuod nga manunudlo ang makitaan sang gugma sa pagtudlo.
Sa masami, ginapapanaog naman sang DepEd Himamaylan sa syudad ang mga manunudlo nga madugay na nga naka-assign sa bukid kag ang mga bag-o ginahamtang sa mabudlay nga lugar.
Aminado man ini nga may mga bag-uhan nga manunudlo nga nagapangindi sa pag-assign sa kabukiran gani dako gid ang pasalamat ni Sales sa mga dedikado nga bag-uhan nga ginapanindugan ang responsibilidad bilang matuod-tuod nga manunudlo kag ginabatun ang assignment sa kabukiran.
