Gin-athag sang chief statistician sang Philippine Statistic Authority-Negros Occidental nga ang ginacater sa karun para sa registration ang nagaedad sang lima ka tuig pasaka bangud ang apat katuig panubo ang wala pa sa ila system.
Sa interview sang Bombo Radyo Bacolod kay Luis Gonzales, ang nagaedad lamang sang lima katuig pasaka ang mahimo makaparehistro.
Suno kay Gonzales, sa luyag nga magparehistro nga nagaedad sang lima katuig pasaka, magapadulong lamang sa registration center kaupod ang ginikanan kag magdala sang birth ukon baptisma certificate kag ang mga ginikanan ang dapat nga magpirma sang waiver nga nagapasugot ang mga ginikanan nga kuhaan sang ID ang ila anak.
May yara man sang magakadto nga PSA personnel sa mga eskwelahan agud nga magcater sang mga luyag pa nga magparehistro para sa national ID.
