Gina-engganyo naman sang tagpamaba sang Land Transportation Franchising and Regulatory Board (LTFRB) 6 ang mga drivers kag operators nga wala pa nakaproseso kag nakakuha sang ila fare matrix nga magdesignate sang mga opisyal sa ila cooperative nga amu ang authorized nga magproseso sini.
Suno kay Atty. Salvador Altura, kun nabudlayan ang mga drivers kag operators nga magpadulong sa Iloilo, ang pinakadali nga paagi amu ang magdesignate sang opisyal sa ila cooperative nga amu ang authorized nga magaproseso sini.
Sa karun suno kay Altura, wala ang LTFRB 6 sang plano nga magpadulong sa probinsya agud mahatagan sang tiyansa nga makaproseso ang mga operators bangud kulang ang pondo sang opisina kag ini ang nagakinahanglan sang confidential nga mga papeles kag rekords.
Suno sa iya, kun may yara man lang sang matugyanan nga ma-authorize, hatagan lamang sang authorization letter kay batunon man ini sang opisina.
Gin-engganyo sini ang mga operators nga kuhaan na ang ila fare matrix bangud nagasige man ang pagsaka sang presyo sang gatong.
