Magaconvoy ang mga miyembro sang Bacolod City Mobile Force Company sa very important person nga magaabot diri sa ciudad kadungan sang highlight sang MassKara Festival kaangay ni President Ferdinand ‘Bongbong’ Marcos Jr.
Sa interview sang Bombo Radyo kay Police Lt. Col. Edel Jose Manzano, officer-in-charge sang Bacolod City Mobile Force Company, nasuguran na ang pagdeploy sang mobile force company kag yara naman nadeploy ang augmented security sa anom ka border lakip diri ang boundary sang Bacolod kag Talisay, Mandalagan, Mansilingan, Granada, Sum-ag kag Barangay Taloc, Bago City.
May ara sang mga pila ka hilikuton ang mga kapulisan parehas sang mga checkpoint kag inspection sa mga pila ka motorista kag bangud wala pa naaprubahan ang gun ban, ila pagasundon ang plain view doctrine sa pagkumpiskar sa mga gamit nga kontrabando.
Santo sa ila nga obserbasyon, madamo sang mga bisita ang nagasulod sa Bacolod kada Biyernes sang gab-i tubtob sa adlaw sang Domingo, ini bangod nga duha man ka tuig nga wala sang selebrasyon sa Masskara.
Sa pag-abot naman sang presidente kag sang first family, may ara sang convoy security nga ginalakipan sang SWAT kag Quick Response Team nga magabantay sa likod nga bahin.
