Gin-ako ni Negros Occidental Governor Eugenio Jose ‘Bong’ Lacson nga common nga reklamo sang mga mangunguma sa probinsya ang P15 tubtub P17 nga buying price sang humay.
Ang NFA naman ang nagabakal sang humay sa presyo nga P19 kada kilo kag dapat 14 percent lang ang moisture sini.
Wala man nagakadto ang NFA sa mga kaumahan agud magbakal sang humay kundi ginadul-ong ini sang mapadalawat sa NFA office.
Suno kay Lacson, indi matuman ang gusto sang presidente nga mangin P20 nalang ang kilo sang bugas kun magsaka pa gid ang presyo sang humay.
Aminado si Lacson nga may papel ang middle man bangud wala man nagaretail ang mga millers apang nagapangabay ini sa ila nga indi lang pagpasobrahan sang mga middle man ang baligya sang bugas bangud pierde naman diri ang mga konsumidor.
Suno sa gobernador, magapatunga naman ang gobyerno kun magtaas na gid ang presyo sang bugas.
