Gindugok sang mga tawo nga luyag magsaksi sang Electric Masskara Dance-off Competition ang Bacolod City Government Center Grounds kahapon antes pa man nag-umpisa ang parada sang floats kag dancers sang participanting barangays.
Pasado alas 6:00 ang takna sang hapon nag-umpisa ang parada sang mga managmi kag colorful nga mga floats sang mga nagpasakop sa Electric Masskara Dance-off Competition.
Ang parada sang floats kag electric Masskara dancers ang nag-umpisa sa upper east sang Megaworld padulong sa Bacolod City Government Center.
Sa ginpatigayon nga Dance-off Competition, nagdaog bilang Grand Champion amo ang Barangay 17.
Sila man ang nakakuha sang Best in Mask and Costume, Best float kag Most Discipline awards.
Makakuha ang mga ini sang P300,000 pesos bilang dance-off champion kag P20,000.00 matapos ini nagdaog man sa Best Float nga nagparada sugod sa dalanon sang Megaworld Upper East tubtob Bacolod City Government Center (BCGC) grounds.
Nakuha sang Barangay 25 ang First runner up kun sa diin makakuha sang premyo nga P200,000.00 kag Barangay 32 bilang second runner up nga may yara P150,000.00 nga premyo.
Samtang nakuha sang Barangay 23 ang special award nga Best in Choreography kun sa diin nakabaton sila sang P10 mil kag certificate bilang premyo.
Ginalakipan ang mga hurado nanday Tim Yap, Hayden Kho, Dr. Vicky Belo, Alodia Gosiengfiao, kag Maricris Zobel.
Sa pagbukas sang Electric Masskara Dance-off Competition, naghatag sang mensahe si Bacolod City Mayor Alfredo Benitez kag First Lady Liza Araneta-Marcos.
Kaupod man sang mag-asawa nga Hayden kag Vicky Belo ang anak sang mga ini nga si Scarlet.
