Nakibot man ang mga residente sa Zone 3, Barangay Mambulac, Silay City sa kataason sang balod nga naghampak sa mga balay kagab-i.
Sa pag-usisa sang Bombo News Team, apat ka mga balay ang nawasak sa Zone 3, Barangay Mambulac bangud sa mamadlos nga hangin kag madamol nga ulan.
Suno kay Glenda Tupas, alas-10:30 kagab-i sang nagmadlos ang hangin kag nagdako ang dapya sang balod.
Suno diri, lapaw sa ila balay ang kadakuon sang balod kagab-i gani indi na sila makasulod sa ila balay.
Aminado si Tupas nga wala naguba ang ila balay sang naglabay ang Bagyo Odette kag mas mabaskog ang Bagyo Paeng.
Sa karon, ang hinablos ni Tupas kag duha ka iban pa nga pamilya nga nagub-an sang balay ang temporaryo nga nagatinir sa ila himata.
May mga balay man nga naguba sa Sitio Dacutan Dako, Barangay Mambulac.
