Nakaangkon sang gamay nga problema sa lakat sang trapiko sa dalan pasulod sa Roselawn Memorial Park sa Barangay Bata, Bacolod City kahapon.
Sa interview sang Bombo Radyo sa pinuno sang Bacolod Traffic Authority Office nga si Police Major Junji Liba, may mga paggutok sang dalan nga nagluntad sa Rolling Hills Memorial Park apang indi ini kaangay sa Barangay Bata padulong sa Roselawn bangud tuman ang pagdinaguso sang mga salakyan.
Suno kay Liba, may insidente pa kun sa diin nagsag-idanay ang mga salakyan sa entrance nga nagtuga sang pagginutok.
Suno diri, kumpleto ang ginpangdeploy nga mga personnel sang BTAO apang indi malikawan nga may mga insidente nga nagatuga sang pagpundo sang mga salakyan.
Apisar sang insidente, manageable man ang sitwasyon kag well deployed ang mga enforcers.
Namintinar man nila ang katawhay sa mga parking lot.
