Ginakabig sang public information officer sang Department of Education-Division of Negros Occidental nga pahanumdom lamang sang mga manunudlo ang ginpagwa nga departament order No. 49 sang Department of Education.
Sa interview sang Bombo Radyo Bacolod kay Ian Arnold Arnaez, ang department order ang isa lamang sa pagpahanumdom sa mga manunudlo sang insakto nga pagdeal sa mga tawo kag mga estudyante ilabi na gamit ang social media.
Suno kay Arnaez, kinahanglan sang mga manunudlo nga magreach-out sa mga estudyante gani madamo na sa mga ini nga may yara sang mga group chats sa messenger.
Kalabanan sang mga ginaestoryahan sa group chats ang assignments kag mga activities sa eskwelahan.
Nagapati man ini nga may yara sang ginbasehan ang mando nga ginpagwa sang Deped.
Suno diri ang mando ang nagapahanumdom lamang sang obligasyon sang mga manunudlo.
Suno kay Arnaez, ang mga manunudlo nga naghimo sang group chat ang dapat maghimo sang house rules kag likawan ang personal message.
Nagpanugyan man ini nga sundon lamang ang departament order agud makalikaw sang mga issue kag reklamo kag wala pa sang basulay nga matabo.
