Gilayon nga nagpaswab test kag nagpaidalum sa isolation ang mga opisyal kag anay opisyal sang Bacolod City nga kaupod ni Mayor Alfredo Benitez sa pagbakasyon sini sa Japan.
Kahapon, gin-anunsyar ni Benitez nga siya ang nagpositibo sa COVID-19 matapos ang bakasyon sini sa nasambit nga pungsod.
Ang alkalde ang nagpaidalum sa swab test bilang kabahin sang protocol sa pagpakigkita sini kuntani kay President Ferdinand Marcos Jr.
Mild lamang ang iya nabatyagan nga sintomas kag siya ang yara sa karun sa Manila.
Sa interview sang Bombo Radyo kay Atty. Caesar Distrito, matapos nahibaluan nga positibo sa coronavirus si Benitez, pag-abot sang mga ini sa Bacolod City kahapon sang hapon, sila ang gilayon nga nagpadulong sa Bacolod Arts Youth and Sports Center agud magpaswab test santo sa protocol sang Inter-Agency Task Force.
Suno kay Distrito, wala sila sang may ginasuprer nga sintomas apang bilang precautionary measure, sila ang maga-isolate sa sulod sang pito ka adlaw, positibo ukon negatibo man ang mangin resulta sang swab test.
Kaupod sang alkalde sa Japan ang Team Asenso nga ginalakipan sanday Distrito, Congressman Greg Gasataya, Councilors Thaddy Sayson, Al Victor Espino, Vladimir Gonzalez, Jason Villarosa, Kalaw Puentevella, Simple Distrito, Celia Flor, Pao Sy, former Councilors Sonya Verdeflor, Bart Orola, former board member Patrick Lacson kag 11 ka mga punong barangay.
Nagpasalig si Distrito sa publiko nga sila ang magasunod sa protocols agud masiguro ang safety sang publiko.
