Gin-engganyo sang administrator sang National Irrigation Administration ang mga irrigators association nga halungan kag hatagan sang balor ang tubig kadungan sang ginpatigayon sang Irrigators’ Association Congress sa Sugarland Hotel, Bacolod City kahapon kun sa diin 160 ka mga irrigators association sa Negros Occidental kag Panay ukon 250 ka mga indibidwal ang nagtambong.
Sa speech ni National Irrigation Administrator Benny Antiporda, sila ang mas mangin innovative kag ipalab-ot sa next level ang ila mga tikang agud masiguro nga madeliver sa mga mangunguma ang ila mga kinahanglanon ilabi na ang patubig.
Suno sa iya, kun wala sang patubig, wala sang Department of Agriculture, wala sang ibaligya ang Department of Trade and Industry kag wala man sang National Food Authority.
Suno diri, dapat tumanon ang tinaga nga “save water” bangud ang tubig amu ang kabuhi.
Suno diri, dapat siguruhon nga ang tubig ang wala sang polusyon, wala ginahabuyan sang basura kag wala sang hilo.
Naghingyo man ini nga magtukod sang Right of Way and Signed Accusation nga amu ang magaareglo sa mga problema sa bahin sang right of way.
Samtang, ginpahayag ni Acting Governor Jeffrey Ferrer nga handa ang provincial government nga magbulig sa mga irrigators kag mga mangunguma sa Negros Occidental kun ano man ang ila kinahanglanon.
Suno kay Ferrer, ginpalab-ot sini sa kay Antiporda nga nabaton sini nga mga feedbacks nagikan sa mga irrigators kag mangunguma sa probinsya.
Nagapati ang bise-gobernador nga isa ka paagi agud makadugang sang production sang bugas kag iban pa nga pananum amu ang tubig.
