Magasugod na sa masunod nga bulan ang deliberasyon sang Sangguniang Panlalawigan sang Negros Occidental para sa 2023 provincial budget.
Suno kay Acting Governor Jeffrey Ferrer, may yara na sila sang schedule para sa deliberation kag ini ang ginrefer na sa Committee on Finance.
Ginhambalan man sini si Board Member Romel Debulgado nga sundon ang timeline kada tuig kun san-o aprubahan ang budget.
Suno diri, ginalauman nga ini ang mapasar sa una nga semana sang Disyembre.
Ginalantaw man nga sa masunod nga semana may yara na sang schedule sa mga department heads.
Suno kay Ferrer, proposal ni Governor Eugenio Jose “Bong” Lacson nga ideliberate pa ang budget apang ang focus amu ang development sang probinsya.
Sa 2023 provincial budget, magapadayon ang mga programa kag proyekto sang administrasyon subject sa request sang mga local government units kag barangays.
Ang P4.9 billion nga budget sa tuig 2023 ang mas manubo sang 12.7% sang sa budget subong nga tuig nga yara sa P5.7 billion.
