Nagalaom ang bata sang naaksidente sa replica sang Bacolod City Government Center sa Bacolod City Public Plaza nga indi na masulit ang insidente nga mahulog sa longboard ang pasyente nga ginrespondehan.
Sa interview sang Bombo Radyo Bacolod kay Wennie John Sepida, alas-5:30 na sini nahibaluan ang ang balita nga naaksidente ang amay nila sang ini ang nakabaton sang mensahe nagikan sa iya pakaisa.
Suno kay Wennie, siya ang naghalin pa sa Iloilo sang nabalitaan sini ang natabo sa iya amay.
Ginkumpirmar sini nga ang amay nila ang nagabiyahe sang tricycle kag nagaside line bilang plumber.
Suno kay Wennie, mahimo nga hubog na gid man ang amay sini bangud nga nakainom.
Suno diri, may nakakita man nga nagabalang-balang ang gindala sini nga tricycle antes pa man nagluntad ang insidente.
Suno kay Wennie, indi sila sigurado sang kondisyon sang pasyente apang nasaylo na ini sa ward sang Corazon Locsin Montelibano Memorial Regional Hospital kag una na nga ginhambal sang doktor nga kritikal ang pasyente bangud sa ulo ang igo kag sa karun ginahulat pa nila ang findings kun ano gid ang natabo sa ulo sang ila amay.
Aminado man ini nga wala na sila sang impormasyon kun sa diin pa nagakadto ang amay sini matapos magbiyahe sang tricycle.
Gin-ako man sini nga sang nakita niya ag video sa diin nahulog ang amay sini sa long board samtang ginarescue sang mga responder, naglalain ini kag nakahibalo man ini sa ginatawag nga first aid bangud may training man ini.
Suno diri, sang nagrescue ang mga rescuers, indi proper ang ginhimo sang mga ini bangud wala nila ginsecure ang belt sang long board agud nga indi mahulog ang pasyente sa tion nga maghulag ini.
Nagalain ang buot sang mga ini nga nahulog ang amay nila sa longboard samtang ginarescue kun sa diin nagkadamage ang ulo sini.
Nagapanawagan man ini sa mga rescuers nga nagrescue sa ila amay nga si Melfred Sepida nga ibutang gid sa siguro sa tion nga magresponde kag indi na masulit ang insidente.
