Natumod na ang duha ka mga miyembro sang New People’s Army (NPA) nga napatay sa engkwentro sang katapo sang 62nd Infantry Battalion sang Philippine Army kag mga rebelde sa Quintin Remo, Barangay Quintin Remo, Moises Padilla, Negros Occidental kahapon.
Sa interview sang Bombo Radyo Bacolod kay Brigadier General Inocencio Pasaporte, commander, 303rd Infantry Brigade sang Philippine Army, ginkilala ang mga napatay nga sanday Johnhilll Sarsa aka Mark, residente sang Brgy Planas, Guihulngan City, Political Officer sang Sandatahang Yunit Pampropaganda (SYP) Platoon Lenovo, Central Negros Front 1 (CN1), Komiteng Rehiyon – Negros Cebu, Bohol, Siquijor (KR-NCBS) sang Communist Terrorist Group (CTG) samtang Dalmacio Dela Torre aka Delmar, residente sang Brgy Trinidnad, Guilhulngan City kag miyembro sang CN1, KR-NCBS.
Suno kay Pasaporte, santo sa impormasyon nga ila nabaton, ang grupo sang mga napatay ang kabahin sang mga John Does nga ginpasakaan sang kaso nga imbulbado sa pagpatay sa isa ka negosyante nga nagabuy and sell sang livestock sa banwa sang Moises Padilla matapos nga nasal-an sang mga ini nga asset sang Philippine Army.
Suno pa sa 303rd commander, ang grupo man sang mga napatay ang imbulbado sa pagpamahog kag paghatag sang kahadlok sa mga residente sa lugar.// Ang mga napatay ang ginkilala man kag ginkumpirmar sang mga anay kaupod sang mga ini.
Nahingagaw man kahapon Nakig-angot na ang mga otoridad sa Local Government Unit (LGU) sang Guihulngan City, Negros Oriental agud macontact na sang mga ini ang pamilya sang mga napatay agud mapadulungan na sa banwa sang Moises Padilla, Negros Occidental kag makuha kag mahatagan sang nagakaigo nga paglubong.
Suno kay Pasaporte, kun indi maghimo sang tikang ang gobyerno agud nga mapanaog ang mga napatay nga rebelde kag maturn-over sa pamilya agud mapalubong, pabay-an lamang sang mga kagrupo sini sa hublag.
