Magaistorya pa ang Local Market Committee sang ciudad sang Bacolod kun ipasirado na ang mga stalls sa Manokan Country nga gina-occupy sang mga tenants nga wala nagabayad sang arrears kag bulanan nga renta sa city government.
Suno kay City Councilor Celia Flor, chairperson sang committee on markets sa Sangguniang Panlungsod, indi pa masiling nga maayo ang collection sang renta sa Manokan Country bangud madamo ang indi makabayad sang kantidad nga gintalana nga bayaran.
Suno kay Flor, nagabayad ang mga tenants apang iban diri ang indi makabayad sang full.
Suno sa konsehal, P20,000 ang dapat nga bayaran sang mga tenants nga may arrears, magluwas lang sa updated ang pagbayad.
Nangin maayo naman ang pagbayad sang mga vendors sa tatlo ka merkado.
Sa Central Market, nagsaka sang P1.5 million ang collection, samtang nagsaka man ang collection sa Libertad Public Market kag Burgos Public Market.
Suno sa konsehal, nagahawat-hawat man ang city government officials bangud mahimo nga siraduhan ang mga ini.
Bwas nga adlaw, magasapol ang Local Market Committee agud desisyunan kun ano ang himuon sa mga wala nakabayad.
Bangud sini, nagahingyo si Flor sa mga tenants nga tumanon ang ila nga obligasyon sa city government nga amo ang pagbayad.
Kun lantawon ang compromised agreement, naghingyo ang mga tenants nga mabayad tubtub bulan sang Disyembre apang sobra pa diri ang ginhatag sa ila nga plaso.
Suno kay Flor, P20,000 ang dapat nga bayaran sang tenant nga may arrears kada bulan, kag ang regular nga arkila sa stall.
