Kadungan sang pagpatigayon sang parade of lights sang STI-West Negros University (STI-WNU) buas, Disyembre 4, may yara sang temporary road closure kag rerouting nga ipatuman sa dalanon sa syudad sang Bacolod.
Sa interview sang Bombo Radyo Bacolod kay Police Major Junji Liba, pinuno sang Bacolod Traffic Authority Office (BTAO), alas 02:00 ang takna sa hapon, bwas Disyembre 4, ini ang assembly time sang tanan nga magapasakop sa parade of lights kag alas 05:30 ang takna sa hapon ukon alas 06:00 man maumpisa na ang parada sa Ramos padulong sa Rizal St, maliko sa tuo sang Rizal padulong sa Bacolod Public Plaza, turn left sa Gatuslao kag maderecho tubtob makasulod sa west entrance ukon sa atubang gid sang plaza.
Suno kay Liba ang parade ang pagaakuparon ang ¾ sang dalan ukon fully occupied ang southbound lane kag dugang sang isa ka lane nga iya sang northbound gani ang mabilin nga lane sa northbound nga puede maagyan sang mga salakyan padulong sa norte ang isa nalang.
Samtang ang southbound naman ang magaagi sa Gatuslao kag Aguinaldo St.
Suno sa BTAO Head pagasiraduhon ang bug-os Lacson area halin sa Ramos padulong sa Rizal.
Pagliko naman sang parade sa Rizal, akuparon sa gihapon ang tatlo ka lane kag ang mabilin isa nalang ka lane padulong sa east nga direksyon tubtob sa dalan Locsin bangud matapos sang dalan Locsin, totally closed naman ang dalan.
Suno kay Liba sa tion nga matapos na ang parade of lights, magabalik man sa normal ang dalagan sang trapiko.
Ang parade of lights sang STI-WNU ang tuigan man nga ginapatigayon sa bulan sang Disyembre apang ini ang nauntat lamang bangud sa COVID-19 pandemic kag subong lamang ginpatigayon liwat kag ginasuportahan man sang LGU.
