Nagpatigayon ang City Legal Enforcement sang Bacolod City sang clearing operations sa Libertad Public Market sang Lunes.
Sa interview sang Bombo Radyo kay Rey Demisana, head sang City Legal Enforcement, tanan nga structures ang ila ginpahigad kag isa lang ka lane ang maparkingan.
Suno sa iya, isa lamang ka salakyan ang makaparking sa isa ka lane.
Samtang, ang mga naga-occupy naman sa dalan ang ginpaidog lamang sa isa ka lane.
Sila ang ginakabig nga temporary structure kag pagasayluhon sa Annex Building kun ini ang mahuman na.
Wala naman sang mga ladlad-himus sang lugar.
Suno kay Demisana, tinutuyo sang clearing operations nga mapahagan-hagan ang trapiko kag mabalik ang naanaran nga sistema kun sa diin ang mga nagabolante sagwa ang magabaligya lamang sang ila agricultural products sa bagsakan kag ang mga nagaretail ang sa bagsakan na lamang magabakal.
Suno diri, sang Lunes nagsugod na sila bantay apang bangud nga kulang pa ang ila personnel, tubtob lamang anay ang mga ini alas 12:00 sang kaagahon apang kun madugangan, sarang na sila nga makabantay sa sulod sang 24 ka oras.// Pagkatapos sang clearing operations sa Libertad Public Market, sa downtown area naman sila magapatigayon sang operasyon.
