Ginkumpirmar sang Police Regional Office 6 nga nakasumiter na sang courtesy resgination ang tanan nga full-fledged generals kag colonels sa Western Visayas kasunod sang apela ni DILG Secretary Benhur Abalos sa mga police officials bilang kabahin sang internal cleansing program sang organisasyon sa illegal nga druga.
Suno kay PRO 6 spokesperson Police Major Mary Grace Borio, may yara sang 21 ka police colonels kag duha ka general sa bilog nga Western Visayas kag sila ang nagsumiter na sang document sang Enero 8 kag nabaton naman sang Campo Crame.
Ang 21 ka mga police colonels ang ginalakipan man sang regional heads sang national support units sang PRO 6.
Suno kay Borio, indi ini makaconfirm sang kaundan sang dokyumento nga ginsumiter sang mga police officials bangud selyado ang sobre nga ginsumiter sa personnel division sa Campo Delgado gani ini ang confidential.
On the average, lima ka tuig pasaka pa ang nabilin antes magretire ang mga full-fledged colonels kag generals, samtang ginpahayag naman ni PRO 6 director Police Brigadier General Leo Francisco nga wala sang dapat kahangaw-an kun wala sang ginatago.
Ginakabig naman ini sang mga police officials sa Western Visayas nga kahigayunan agud nga maclear ang ila ngalan.
