Ginpahayag ni Negros Occidental Governor Eugenio Jose “Bong” Lacson nga magapadayon ang local government unit sa pag-engganyo sang mga katapo sang New People’s Army nga magbalik sa sabak sang gobyerno apisar sang pagreject sang Apolinario Gatmaitan Command sa ginapropose nga localized peace talks.
Suno kay Lacson, apisar nga ginreject sang liderato sang NPA sa probinsya ang localized peace talks, magapadayon sa gihapon ang gobyerno sa pag-engganyo sa mga miyembro sini nga magpanaog, magsurrender sang ila mga armas kag magbenepisyo sa programa sang gobyerno nga National Task Force to End Local Communist Armed Conflict.
Suno sa gobernador, indi bangud nga ginreject sang mga rebelde ang nasambit nga tikang, wala na lamang sang himuon ang probinsya kundi magapadayon ini sa pagpanawagan sa mga NPA nga magbalik na sa sabak sang gobyerno.
