Ginalantaw sang pinuno sang Bacolod Traffic Authority Office (BTAO) nga mahimuan sang ordinansa ang ginapatigayon sa karun nga traffic trial sang scheme sa karun sa syudad sang Bacolod.
Sa interview sang Bombo Radyo Bacolod kay Police Major Junji Liba, indi man madeny nga may maayo man nga gindulot ang traffic trial sang scheme apang wala man sini nadula ang mga nabaton nga reklamo bangud may yara sang mga driver nga namag-uhan sang systema apang sang ulihi nadula lang man bangud naanad naman ang mga ini.
Ginpahayag man sini nga ang isa ka nakahamper sang ginapatigayon nga traffic scheme ang mga nagapadayon nga road constructions.
Suno kay Liba, kun sundon sang mga driver sang 100 percent ang traffic scheme, matawhay ang dalagan sang trapiko.
Sa tion nga matapos ang 90 ka adlaw, iassess nila ang nangin resulta sang bag-o nga traffic scheme kag sa tion nga wala pa sang ordinansa agud mangin permanente ini, mameeting naman sila kaupod ang syudad agud mahimuan liwat sang resolusyon para ipatuman liwat sa sulod sang 90 adlaw tubtob nga madihunan sang ordinansa para mangin permanente na kag indi magliwat-liwat ang traffic system sang syudad.
