Ginpahayag sang chairman sang Sentrong Samahan ng mga Tsuper at Operators Negros (SSTONE) nga dapat maghimo sang tikang ang Land Transportation Franchising and Regulatory Board (LTFRB) nga makalab-ot direkta sa mga drivers ang ayuda nga ginahatag sang gobyerno sa ila kadungan sang asod-asod nga pagsaka sang produktong petrolyo.
Sa interview sang Bombo Radyo Bacolod kay Albert Villanueva, maayo man ang programa sang gobyerno kaangay lamang sang pantawid-pasada program nga nagabulig sa mga drivers.
Suno kay Villanueva, ang Land Transportation Franchising and Regulatory Board ang wala man sang mga pangalan sang mga drivers bangud ang pangalan nga may yara sila amo ang pangalan sang mga operators.
Suno diri kun may yara sang ayuda ang gobyerno kag masiguro nga makalab-ot ini direkta sa drivers, ipaagi nalang ini sa local bangud ang mga drivers ang may yara sang mga associations kun sa diin nakalista ang pangalan sang mga drivers.
