Gin-anunsyar sang U.S. Olympic and Paralympic Committee nga mas dako ang numero sang babayi nga athletes ang ginpadala sang team USA para sa 2024 Paris Olympics.
Sa lineup, may 314 ka mga babayi kag 278 lamang ang mga lalaki.
Ini ang naga-range sa edad nga 16 tubtob sa 59.
Nalakip diri ang 66 ka Olympic champions nga nag-angkon sang kabug-usan nga 110 gold medals kag tatlo ka five-time Olympians.
Ang U.S. women’s basketball team naman ang yara sa historic run bangud pito ka sunod-sunod nga Olympic gold medals ang ila natipon.
Ang Americans, nga wala pa gid nakaagi pierde sa Olympic contest halin ang 1992, ang nagdaog sa Tokyo Games sa average nga 16 points.
Ini ang ila nga smallest margin sang victory halin sang nagsugod ang winning streak sa 1996 Atlanta Games.
Dako naman sa karon ang pagpanghangkat para sa Team USA bangud limitado lang ang ila nga time agud nga magpractice bilang unit.
Ang complete team ang magaupod sa labing una nga kahigayunan sa pagsugod man mismo sang Paris Olympics.
Suno kay six-time Olympic participant Diana Taurasi, nagaimprove man ang iban nga teams gani indi na mangin mahapos ang ila nga paghampang, indi kaangay sang nagliligad nga mga tinuig.
Ang opening ceremony sa Paris ang patigayunon sa Hulyo 26 kag ini ang magatakop sa Agosto 11.
