Ginalantaw nga posible nga maeksperyensyahan ang mas manubo nga presyo sang bugas nga P30 tubtob P40 kada kilo sa idalom sang administrasyon ni President Ferdinand R. Marcos Jr., suno kay Agriculture Secretary Francisco Tiu Laurel Jr.
Ini ang pahayag ni Laurel bilang sabat sa mga pamangkot nga may kaangtanan sa posibilidad sang pagnubo sa presyo sang bugas sa P20 kada kilo.
Ginpakita man sini ang mga epekto sang downward trend sang global rice prices kag padayon nga government interventions.
Sang Enero, ang presyo sang 5 percent broken Vietnam rice ang yara sa USD416 per metric ton (MT), mas manubo sa USD634.5 per MT level sang Enero 2023, suno sa Food and Agriculture Organization (FAO) of the United Nations.
Ginpahayag man nga nagapadayon ang mga tikang sang gobyerno, kalakip ang mas manubo nga taripa sa imported rice nga 15 percent; pagdeklarar sang food security emergency para sa bugas nga magapahanugot sa pagbaligya sang rice stocks gikan sa National Food Authority (NFA) sa local government units, government agencies, kag government-owned and controlled corporations (GOCC); pagtalana sang maximum suggested retail price (MSRP) sa P55/kg. para sa 5 percent broken imported rice; kag pagpanubo sa Rice for All (RFA) prices sang P2 tubtob P3 sa Kadiwa ng Pangulo (KNP) Centers kag kiosks.
