Nakahanda na ang probinsya sang Negros Occidental sa pagpanagtag sang bugas nga halin sa Office of the President.
Suno kay Negros Occidental Provincial Administrator Atty. Rayfrando Diaz, natapos na ang bidding sang bugas nga halin sa opisina sang presidente kag ini ang ipanagtag sa 125,735 households sa bug-os nga probinsya.
Suno kay Diaz ang mga beneficiaries ang gintumod sang Community-Based Monitoring System (CBMS) sang probinsya.
Suno diri, ang mga beneficiaries ang makabaton sang napulo ka kilo sang bugas sa kada quarter subong nga tuig.
Suno kay Diaz, kabug-usan nga 251,470 ka bags sang napulo ka kilo nga bugas ang kinahanglan baklon sang probinsya.
Ginahingyo sang provincial government sa mga alkalde sa probinsya nga maghimo na sang listahan kun sin-o na ang hatagan sang bugas kag ipasa sa ila agud wala sang duplication sa mga beneficiaries.
